36 kíló af sprengiefni í kynjaveislu

36 kíló voru notuð í sprenginguna.
36 kíló voru notuð í sprenginguna. AFP

Kynjaveisla í New Hampshire í Bandaríkjunum olli miklum usla á dögunum. Kynið var opinberað með stórri sprengingu, nánar tiltekið 36 kílóum af sprengiefni. Sprengingin var svo kraftmikil að hún heyrðist í næsta ríki, í bænum Kingston í Massachusetts. 

Fjölskyldan keypti sprengiefnið löglega og setti saman sprengju með bláu púðri til að gefa til kynna að lítill drengur væri á leiðinni. Fjölskyldan ákvað að sprengja sprengjuna í grjótnámu til öryggis. 

Íbúar í bænum Torremeo í New Hampshire heyrðu vel í sprengjunni og fundu jörð skjálfa í kjölfarið. „Við heyrðum þessa svakalegu sprenginu. Myndir duttu af veggjunum okkar. Ég er alltaf til í einhvern kjánaskap, en þetta var of langt gengið,“ sagði Sara Taglieri íbúi stutt frá grjótnámunni. 

Engan sakaði í sprengingunni og maðurinn sem sprengdi sprengjuna hefur gefið sig fram við lögreglu. Lögreglan rannsakar nú málið og skoðar hvort gefin verið út ákæra af einhverju tagi.

The Guardian

mbl.is