Eyddi 16 milljónum í jólagjafir til barnanna
Setja bókamerki
Ættmóðir Kardashian-fjölskyldunnar, Kris Jenner, gaf uppkomnum börnum sínum rafmagnsknúna golfbíla í jólagjöf frá framleiðandanum Moke. Alls á Jenner sex börn með tveimur fyrrverandi eiginmönnum sínum, Caitlyn Jenner og Robert Kardashian.
„Ég fékk bleikan!“ hrópaði athafnakonan Kim Kardashian í myndbandi sem hún deildi með aðdáendum sínum á Instagram fyrr í vikunni. Á myndbandinu má sjá vönduðu golfbílana sem Jenner hafði valið handa hverjum og einum en engir tveir fengu bíl í eins lit eða mynstri.
Samkvæmt frétt frá Daily Mail eyddi Jenner rúmlega 125 þúsund bandaríkjadölum í jólagjafir til barna sinna. Sú upphæð nemur um það bil 16 og hálfri milljón íslenskra króna.
Kris Jenner var gift Robert Kardashian á árunum 1978-1991 og á með honum fjögur börn; Kourtney Kardashian, 42 ára, Kim Kardashian, 41 árs, Khloé Kardashian, 37 ára, og Rob Kardashian, 34 ára. Fljótlega eftir skilnaðinn við Robert gekk Kris Jenner aftur í hnapphelduna með William Bruce Jenner sem síðar varð transkonan Caitlyn Jenner. Voru þau gift á árunum 1991-2015 og eignuðust börnin Kyle og Kendall Jenner, sem eru 24 og 26 ára gamlar.
Hvorki sést áður hér á landi né annars staðar
Gígbarmurinn hækkað frá því í gær
Krefjast stöðvunar framkvæmda
Mál hjúkrunarfræðingsins fer aftur fyrir héraðsdóm
Skaut sex sinnum að feðginum á aðfangadagskvöld
„Höfum ekki náð að skríða upp úr þeirri gryfju“
Kaldasti veturinn kom að óvörum