Charlene Mónakóprinsessa eyddi páskunum með eiginmanni sínum og tveimur börnum eftir að hafa verið fjarri fjölskyldunni í langan tíma vegna mikilla veikinda. Þá birti hún fyrstu fjölskyldumyndina á Instagram í fyrsta skipti í marga mánuði.
Veikindi prinsessunnar hafa vakið mikla athygli, bæði fyrir þær sakir að hún hefur dvalið fjarri fjölskyldunni í Suður-Afríku svo mánuðum skiptir og vegna þess að höllin hefur varist allra fregna af veikindunum. Í reynd eru afskaplega fáir sem vita hvers eðlis veikindin eru.
Charlene er gift Alberti Mónakófursta og saman eiga þau tvíburana Jacques og Gabriellu sem eru 7 ára gömul. Á Instagram sýndi Charlene frá því að þau hefðu farið í páskamessu í konungshöllinni í Mónakó.
Myndin sem Charlene birti af fjölskyldunni er fyrsta opinbera fjölskyldumyndin sem hún birtir síðan í ágúst 2021.