Fór í þungunarrof á síðasta ári
Setja bókamerki
Tónlistarkonan Phoebe Bridgers fór í þungunarrof þegar hún var á tónleikaferðalagi á síðasta ári. Bridgers opnaði sig um þungunarrofið í kjölfar frétta þess efnis að Hæstiréttur Bandaríkjanna hyggist mögulega snúa við lögum um rétt til þungunarrofs í Bandaríkjunum.
„Ég fór á heilsugæslu þar sem þungunarrof er framkvæmt og fékk þungunarrofstöflu. Það var auðvelt. Öll eiga að hafa slíkt aðgengi,“ skrifaði Bridgers á Instagram en hún fór í þungunarrof í október á síðasta ári.
Bridgers greindi ekki frá því með hverjum hún átti von á barni en tveimur mánuðum seinna opinberaði hún samband sitt við leikarann Paul Mescal.
Í gær var áliti meirihluta dómara við Hæstarétt Bandaríkjanna lekið í gær. Þar kom fram að dómararnir teldu hæstaréttardóminn Roe gegn Wade vera rangan. Dómurinn hefur tryggt réttinn til þungunarrofs en hann féll árið 1973. Í 98 blaðsíðna áliti rekja dómararnir hvernig þau telja dóminn vera rangan og leggja til að hann verði ógildur.
Fréttirnar hafa farið um sem eldur í sinu og hefur ríkisstjóri Oklahoma-ríkis nú þegar skrifað undir hörð lög um þungunarrof.
Skaut sex sinnum að feðginum á aðfangadagskvöld
Þyngri refsing fyrir að nauðga stjúpdóttur æskuvinar
/frimg/1/29/32/1293273.jpg)
Ekki af baki dottinn og ætlar að opna B5 aftur
Telur forsendur fyrir vaxtalækkun
Norskur lögreglumaður dæmdur
Bergnuminn í Hvalfirði