Verkfræðingurinn og áhrifavaldurinn, Katrín Edda Þorsteinsdóttir, og eiginmaður hennar Markus Wasserbaech skírðu dóttur sína á dögunum.
„Elsku Elísa Eyþóra okkar var skírð í dag og henni fannst það bara kósí eins og sést á meðfylgjandi myndbandi og myndum.
Hún var bara 6 daga gömul þegar þið fenguð að vita nafnið hennar en Þjóðverjum finnst galið þegar ég segi þeim að flestir á Íslandi tilkynni ekki nafnið fyrr en við skírnina sem er oft 3 mánuðum eftir fæðingu,“ skrifaði Katrín Edda við færslu á Instagram-reikningi sínum.
Katrín Edda er einn vinsælasti íslenski áhrifavaldurinn með yfir 30 þúsund fylgjendur á Instagram.
Elísa er fyrsta barn foreldra sinna sem þurftu að hafa mikið fyrir að eignast hana líkt og Katrín Edda ræddi í viðtali við mbl.is síðastliðið sumar.
Barnavefurinn óskar þeim innilega til hamingju!