Tónlistarkonan Demi Lovato er á mikilli andlegri vegferð ef marka má nýjasta ferðalag hennar. Lovato ferðaðist til Ísrael á dögunum og var skírð í ánni Jórdan, líkt og þegar Jóhannes skírari skírði Jesú Krist í sömu á.
Lovato birti myndir úr Ísraelsferð sinni og sagðist hafa fundið mikla andlega tengingu í landinu helga. „Ég er bandarísk söngkona, alin upp í kristni og komin af gyðingum. Ég fékk boð um að fara í ótrúlega ferð að skoða staðina sem ég las um í Biblíunni þegar ég var að alast upp,“ skrifaði Lovato.
„Það er eitthvað svo ótrúlega töfrandi við Ísrael. Ég hef aldrei fundið aðra eins andlega tengingu og tengingu við Guð. Eitthvað sem mig hefur vantað í nokkur ár. Andleg málefni hafa alltaf verið mér mikilvæg. Að vera skírð í ánni Jórdan, sama stað og Jesús var skírður, mér hefur aldrei liðið jafn endurnýjaðri,“ skrifaði Lovato.
Lovato dróg sig í hlé síðasta sumar eftir að hún var hætt komin eftir ofskömmtun fíkniefna. Hún fagnaði 1 árs edrú afmæli í júlí síðastliðnum.