Beckham-fjölskyldan sýndi takta í Kanada

Það eru ekki bara vetrarfrí í grunnskólum á Íslandi um þessar mundir. Í Bretlandi nýtti hin fræga Beckham-fjölskylda vetrarfríið til þess að fara á skíði. Flugu þau alla leið til Kanada til þess að komast á gott skíðasvæði. 

Beckham-hjónin hafa verið dugleg að birta myndir frá fríi sínu. Voru öll fjögur börnin með í för auk þess sem kærasta næstelsta drengs þeirra, Romeo Beckhams, var með í för. Voru feðgarnir David og Cruz Beckham á bretti á meðan aðrir voru á skíðum. 

Skíðasvæðið í Whistler er í um 125 kílómetra fjarlægð frá borginni Vancouver í Kanada. Hluti Vetrarólympíuleikanna árið 2010 fór fram á svæðinu. Fimm daga lyftupassi á skíðasvæðið kostar um 90 þúsund krónur. 

• Blogga um frétt