Ofurfyrirsæta fékk taugaáfall á flugvelli

Ofurfyrirsætan Paulina Porizkova fékk taugaáfall á flugvelli í Kosta Ríka á dögunum eftir að hún lenti í atviki sem var henni ofviða. Porizkova fór í ferðalagið til þess að skipta um umhverfi en áttaði sig á því við komuna að vegabréf hennar var ekki gilt. 

Hinn 55 ára gamla Porizkova, sem situr enn fyrir, er opinská um glímu sína við kvíða og þunglyndi á instagram og dugleg að sýna að líf ofurfyrirsætu er ekki glansmynd. Eiginmaður hennar til 30 ára dó í september í fyrra en þá voru þau skilin að borði og sæng. Porizkova fór til Parísar ein fyrir þremur árum til þess að æfa sig að vera einhleyp kona og ferðast ein. Í þetta skiptið fór hún með sonum sínum tveimur. 

„Í síðustu viku, í örvæntingafullri tilraun til þess að breyta um umhverfi, fór ég og strákarnir til Kosta Ríka og þegar við lentum komumst við að því að vegabréfið mitt var runnið út. Svo við vorum send til baka í sömu flugvél. Ég fékk taugaáfall á flugvellinum og þeir þurftu að setja mig í hjólastól og fara með mig aftur í vélina. Ég grét svo mikið að ég man ekki einu sinni eftir því. Ég held að þetta verði fyndin saga – fljótlega,“ skrifaði Porizkova, sem er nú í afslöppun í heilsulind og segist hafa efni á því. Hún fór ein, rétt eins og þegar hún fór til Parísar. 

Frétt af mbl.is

Snýr aftur á baðfötum á sextugsaldri

• Blogga um frétt