Milljarðamæringurinn Bill Gates hefur dvalið í golfklúbbnum The Vintage Club í Kaliforníu í Bandaríkjunum undanfarna mánuði. Hinn 65 ára Gates stendur nú í skilnaði við eiginkonu sína Melindu Gates. 

Klúbburinn sem Gates dvelur í er aðeins fyrir þá ríku og frægu og er mikið næði þar. „Bill sá greinilega að þessi skilnaður væri í kortunum fyrir löngu því hann hefur verið þarna í um þrjá mánuði,“ sagði heimildamaður Page Six. 

Gates sást í klúbbnum í vikunni með dóttur sinni Jennifer Gates og unnusta hennar Nayel Nassar. 

Gates á eign á landsvæði klúbbsins þar sem hann getur dvalið í ró og næði. Fleiri milljarðamæringar eiga einnig eignir á svæðinu, þar á meðal Charles Koch, Philip Anshultz og Dennis Washington. 

Samkvæmt heimildum Page Six festi Gates kaup á húsi í klúbbnum árið 1990. Þá kostaði það 12,5 milljónir bandaríkjadala. Húsið er 1.260 fermetrar og í því eru sex svefnherbergi og níu baðherbergi. Þar að auki er golfvöllur við húsið.

Greint var frá því í síðustu viku að þegar Gates-hjónin ákváðu að þau myndu skilja leigði Melinda einkaeyju til afnota fyrir fjölskylduna, það er að segja, alla nema Bill. 

Frétt af mbl.is

Leigði einkaeyju fyrir alla nema Bill

Tengdar fréttir

Stjörnur á ferð og flugi

Sigurlaug og Óli syntu með svínum á Bahamaeyjum

• Simmi Vill og Hafrún ástfangin í háloftunum
• Íslandsvinurinn Gordon Ramsay landaði stórum laxi
• Messi og Roccuzzo sjóðheit í fríinu
• Prinsessa flaug með lággjaldaflugfélagi

» Fleiri tengdar fréttir

• Blogga um frétt