Þreyttur flugstjóri sofnaði í flugstjórnarklefanum í flugvél sem hann flaug í Ástralíu. Flugvélin, af gerðinni Cessna 208B, var á leiðinni frá Cairns til Redcliffe þegar flugstjórinn sofnaði í 40 mínútur með þeim afleiðingum að flugvélin flaug yfir áfangastaðinn sinn í Redcliffe. 

Í 40 mínútur reyndi flugumferðarstjóri á flugvellinum í Redcliffe að hafa samband við flugstjórann en án árangurs. Þegar það var fullreynt var hinn konunglegi ástralski flugher kallaður til. Herflugvél flaug nálægt Cessnunni í von um að virkja árekstursbúnað vélarinnar en þreytti flugstjórinn vaknaði ekki heldur við það. 

Cessna 208B. Skjáskot/Instagram

Það var ekki fyrr en flugvélin hafði flogið 110 kílómetra frá landi og sveif yfir Kyrrahafinu að þreytti flugstjórinn vaknaði af værum blundi. Hann gerði áströlskum flugmálayfirvöldum strax viðvart og sneri við og lenti heill á húfi og úthvíldur á næsta flugvelli. Atvikið átti sér stað í júlí 2020.

Independent

Tengdar fréttir

Furðulegt á ferðalögum

Þakklát fyrir að vera á lífi eftir árás skógarbjarnar

• 12 hlutir sem þú ættir aldrei að gera í flugi
• Versta matarupplifunin var í fegurðarsamkeppni í Mexíkó
• Benjamin varð vitni að einstöku fyrirbæri á Svalbarða
• Bjó á flugvelli í Bologna í níu mánuði

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: VAR MAÐURINN EINN Í FLUGVÉLINNI???????????