Íslandsvinurinn og sjónvarpskokkurinn Gordon Ramsay er staddur á Íslandi. Á sama tíma er í Bandaríkjunum verið að kynna sjónvarpsþáttinn Uncharted sem hann tók upp hér á landi í fyrrasumar. Ramsay smakkaði meðal annars kæstan hákarl við litla hrifningu. 

Ramsay, sem er meðal annars þekktur fyrir mikla hörku, sýndi allt annað viðmót þegar hann smakkaði hákarlinn á Norðvesturlandi í fyrra. Í stiklu sem birtist fyrir þáttinn á vef People mátti sjá hann kynnast íslenskri matarmenningu en segja má að hann hafi ekki fallið fyrir henni. Ramsay skálaði á íslenskan máta í brennivíni við tvo Íslendinga. Tilraunin til þess að borða hákarlinn fór ekki betur en svo að hann spýtti honum út úr sér og brennivínið fylgdi með. 

Frétt af mbl.is

Gordon Ramsay á landinu við tökur

Ramsay spurði íslenskan mann hvort hákarlinn væri góður fyrir heilsuna. Hann svaraði á íslensku og sagði svo vera, hákarlinn væri góður fyrir liðamótin. „Svo er betra að kúka líka,“ bætti hann við. 

Þátturinn um Ísland verður sýndur á bandarísku sjónvarpsstöðinni National Geographic á sunnudaginn. 

Frétt af mbl.is

Gordon Ramsay á klakanum

Tengdar fréttir

Frægir á Íslandi

Þorgerður fékk „selfie“ með einni skærustu kántrístjörnu heims

• Dóttir Önnu prinsessu elskaði Ísland
• Í sjokki yfir háu verðlagi og eldgosi á Íslandi
• Þrumuguð í laxveiði, sænsk fyrirsæta í Reynisfjöru og fótboltagoðsögn
• Heimsfræg söngkona á Íslandi

» Fleiri tengdar fréttir

• Blogga um frétt