Það verður ekki sagt um þau Vilhjálm Bretaprins og Katrínu hertogaynju að þau borði skonsur og lepji te uppi í rúmi langt fram eftir morgni í Kensington-höll í Lundúnum. Hjónin neyddust til þess að fara snemma heim eftir frumsýningu nýjustu James Bond-myndarinnar á miðvikudaginn þar sem opinber heimsókn til Norður-Írlands beið þeirra. 

Hertogahjónin fóru til Norður-Írlands, nánar tiltekið til Londonderrry eða Derry eins og borgin er kölluð en um er að ræða næststærstu borg Norður-Írlands. Það tekur tæplega einn og hálfan tíma að fljúga frá London til borgarinnar. Ferð hjónanna tók aðeins einn dag en þau hittu meðal annars ungt fólk á svæðinu. 

Frétt af mbl.is

Katrín stal senunni í gylltum kjól

Ferðin kom mörgum óvart þar sem eitt stærsta fréttaefnið kvöldið áður og sama morgun var langþráð frumsýning James Bond-myndarinnar No Time to Die sem frestað hafði verið ítrekað vegna faraldursins. Á frumsýningunni í Royal Albert Hall í Lundúnum stal Katrín senunni í gylltum kjól. Skyldan kallaði hins vegar og hjónin skælbrosandi þegar þau lentu á Norður-Írlandi. 

Vilhjálmur og Katrín fengu ekki að sofa út. AFP

Tengdar fréttir

Kóngafólk í fjölmiðlum

Karl á batavegi og snýr aftur til starfa

• Karl III sagður „mjög veikur“
• Ný stytta afhjúpuð af Elísabetu II. drottningu
• Lúðvík prins fagnar sex árum
• Í fyrstu heimsókn eftir krabbameinsgreiningu Katrínar

» Fleiri tengdar fréttir

Stjörnur á ferð og flugi

Með kærastanum á framandi slóðum

• Reykjavíkurdóttir heimsótti gamlar slóðir
• Laufey og Daði Freyr á Lollapalooza
• Heitasta par í heimi sleikti sólina
• Netflix-stjörnur í sjóðheitu fríi í Mexíkó

» Fleiri tengdar fréttir

• Blogga um frétt