Athafnamaðurinn Skúli Mogensen leitar að starfsfólki í Hvammsvík en þar rekur Skúli ferðaþjónustu. Um fjögur störf eru að ræða. Hvammsvík er í Hvalfirði en þar býr Skúli ásamt konu sinni Grímu Björg Thorarensen og tveimur ungum sonum þeirra.
Fólk sem er í leit að ævintýrum og vill taka þátt í uppbyggingu á heimsmælikvarða er hvatt til að sækja um að því fram kemur á Instagram-síðu Hvammsvíkur í dag.
„Við leitum að kraftmiklum aðila sem hefur brennandi áhuga á náttúru, heilsu og ferðalögum til að taka þátt í og leiða spennandi uppbyggingu í Hvammsvík með sjóböðum, lúxusgistingu og einstakri upplifun,“ segir í auglýsingunni á Vinnvinn.is. Það vantar rekstrarstjóra, sölu- og markaðsstjóra, umsókn með kerfum og fasteignum og aðalbókara til starfa. Rekstrarstjórinn ber meðal annars ábyrgð á daglegum rekstri sjóbaðanna og gistingarinnar í Hvammsvík.
Skúli sem stofnaði flugfélagið Wow leigir út húsnæði í Hvammsvík. Hann stefnir á frekar uppbyggingu í ferðaþjónustu og eru sjóböð í Hvammsvík á dagskrá. Skúli setti sumarhúsalóðir á landinu á sölu í haust og prýddi Hvammsvík forsíðu Húsa og híbýla í sumar.