Margir byrja allt of seint að pakka fyrir ferðalag. Sumum finnst ómögulegt að undirbúa sig langt fram í tímann eða fyllast valkvíða yfir öllu því sem það langar en getur ekki tekið með sér. Loks er ferðastundin runnin upp og þá er bara eitthvað gripið í snarhasti.

Geymdu vissa hluti í ferðatöskunni allt árið um kring

Þó að þetta krefjist undirbúnings, þá er sniðugt að undirbúa nokkra hluti sem þú geymir alltaf í ferðatöskunni. 

Ef vissir hlutir eru alltaf til staðar í töskunni þá gengur pökkunarferlið nokkuð hratt fyrir sig þegar halda á af stað upp á flugvöll og minni líkur á að eitthvað gleymist.

Listinn gæti verið á þessa leið:

• Plastpokar/taupokar sem nýtast fyrir óhreint tau
• Taupokar fyrir innkaupaferðir
• Sandalar sem þú notar bara í útlöndum
• Litla ferðasnyrtitösku með nýjum tannbursta, tannkremi, verkjalyf, glærum plastpoka, bómullarskífur, ferðasápu, plástrum, eyrnalokkum og hálsmeni og öðru sem gæti nýst á ferðalagi.
• Eins er sniðugt að um leið og varalitir, augnblýantar og maskarar eru farnir að láta á sjá þá má setja þá hluti í snyrtitöskuna og nota það sem eftir er á ferðalögum í stað þess að henda þeim beint í ruslið.
• Svo geturðu líka alltaf geymt í ferðatöskunni náttföt og sjal sem þú notar lítið heima hjá þér og bara haft þau fyrir ferðalög.

Tengdar fréttir

Ferðaráð

10 ráð sem hjálpa þér að slaka á í fríinu

• Borgirnar sem bjóða upp á besta næturlíf heims
• 11 töfrandi veitingastaðir í París
• Reyndi að eyða undir 138.000 krónum í tveggja daga Íslandsferð
• Hvenær er besti tíminn til að ferðast til Ástralíu?

» Fleiri tengdar fréttir

• Blogga um frétt