Karl Gústaf konungur Svíþjóðar og Viktoría krónprinsessa fóru saman á skíði á dögunum í sænska bænum Salen og birti sænska konungshöllin mynd af þeim feðginum brosandi við tækifærið.

Ekki er ólíklegt að tilgangur myndarinnar sé að sýna að ekki andi köldu á milli þeirra feðgina eftir að Karl Gústaf sagði að það hefði verið óréttlátt að svipta son hans stöðu krónprins á sínum tíma eftir að hann var fæddur. 

Þegar Karl Gústaf yngri fæddist voru lög enn í gildi í Svíþjóð sem fyrirskipuðu að karlkynserfingi ætti tilkall að krúnunni óháð aldursröð systkina. Þeim lögum var svo breytt árið 1980. Þá var Viktoría tveggja ára en bróðir hennar sjö mánaða gamall.

Ummæli konungs vöktu mikla athygli og hneykslan manna og þurfti hann að senda frá sér tilkynningu til þess að útskýra betur afstöðu sína.

„Það hryggir mig mjög að heyra það sagt að ég styðji ekki við bakið á dóttur minni, Viktoríu krónprinsessu, sem erfingja krúnunnar.“

Tengdar fréttir

Kóngafólk í fjölmiðlum

Ný stytta afhjúpuð af Elísabetu II. drottningu

• Lúðvík prins fagnar sex árum
• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni

» Fleiri tengdar fréttir

• Blogga um frétt