Leikkonan Uzo Aduba eignaðist sitt fyrsta barn á dögunum með eiginmanni sínum Robert Sweeting. Aduba tilkynnti um fæðingu barnsins á Instagram-síðu sinni, í færslu þar sem hún sést með nýfætt barn sitt, stúlku sem hefur hlotið nafnið Adaiba Lee Nonyem, í fanginu.
Er þetta fyrsta barn hinnar 42 ára gömlu Aduba. Hún opinberaði óléttu sína á Tony verðlaunahátíðinni snemma í júní. Leikkonan giftist kvikmyndagerðarmanninum Sweeting í laumi árið 2020.
Aduba, sem er hvað þekktust fyrir hlutverk sitt sem Suzanne „Crazy Eyes“ Warren í þáttunum Orange Is the New Black, segist í Instagram-færslunni vera yfir sig ástfangin og þakklát.