Crossfit-stjarnan Annie Mist Þórisdóttir er ófrísk að sínu öðru barni og hefur vakið mikla athygli á samfélagsmiðlum fyrir æfingamyndbönd sem hún hefur birt á undanförnum mánuðum þar sem hún framkvæmir ótrúlegar fimleika- og crossfit-æfingar með óléttukúluna. 

Annie Mist er í ótrúlegu formi og hefur meðal annars birt myndbönd af sér að taka handstöðuarmbeygjur gengin sex mánuði á leið og að fara í handahlaup gengin sjö mánuði á leið. Þar að auki hefur hún birt myndbönd af sér taka upphífingar, labba á höndum, taka crossfit-lyftur með stöng og margt fleira. 

Frétt af mbl.is

Annie Mist stóð á haus og tók armbeygjur gengin sex mánuði á leið

Á dögunum birti hún myndband af sér að taka réttstöðulyftu með stöng, en Annie Mist er gengin átta mánuði á leið og gerði sér lítið fyrir og tók 135 kíló í réttstöðulyftu. 

Nóg um að vera hjá fjölskyldunni

Annie Mist og Frederik greindu frá því að þau ættu von á öðru barni í október síðastliðnum, en fyrir eiga þau dótturina Freyju Mist sem kom í heiminn árið 2020.

Það hefur verið nóg um að vera hjá fjölskyldunni síðustu mánuði, en Smartland greindi frá því síðasta vor að Annie Mist og Frederik hefðu fest kaup á 271 fm fokheldu húsi í Garðabæ þar sem mun fara vel um fjölskylduna. 

Frétt af mbl.is

Annie Mist og Frederik eiga von á barni

Frétt af mbl.is

Annie Mist byggir glæsihús í Garðabæ

Tengdar fréttir

Meðganga

„Að vera ung móðir er alveg áskorun“

• Hverju á að pakka í spítalatöskuna?
• Ragga Hólm og Elma eiga von á barni
• „Eina nóttina opnast gat á brjóstinu á mér“
• „Getum ekki beðið eftir þér lengur“

» Fleiri tengdar fréttir

Frægar fjölskyldur

Sonur Birgittu Lífar á góðri leið að verða heimsflakkari

• Ragga Hólm og Elma eiga von á barni
• Dóttir barnastjörnu fæddist andvana
• Þurftu að tilkynna nafnið extra snemma
• Sonur Berglindar og Kristjáns kominn með nafn

» Fleiri tengdar fréttir

• Blogga um frétt