Veröld/Fólk
|
1 Fólk - fréttir
| mbl
| 24.7.2007
| 13:45
| Uppfært
17:56
Lindsay Lohan tekin ölvuð undir stýri með kókaín í fórum sínum
Leikkonan Lindsay Lohan, sem er nýkomin úr sinni annarri áfengismeðferð, hefur aftur komist í kast við lögin. Lögreglumenn handtóku Lohan í morgun þar sem grunur lék á að hún hefði ekið undir áhrifum áfengis.
Lohan, sem á þegar yfir höfði sér ákæru fyrir að hafa ekið undir áhrifum áfengis í Beverely Hills, var stöðvuð skammt frá lögreglustöðinni í Santa Monica grunuð um ölvun við akstur.
Lögreglumennirnir létu leikkonuna taka áfengispróf á staðnum og fylgdu henni í kjölfarið niður á lögreglustöð.
Þar var hún bókuð fyrir að hafa verið drukkin undir stýri, með útrunnið ökuskírteini og fyrir að hafa kókaín í fórum sínum. Lögreglan fann fíkniefnið í vasa hennar þegar leitað var á henni.
Lohan hefur aftur komist í kast við lögin.
AP
