Nýtt leikrit eftir Braga Ólafsson í Þjóðleikhúsinu

Eggert Þorleifsson sem Sigurhans og Vigdís Hrefna Pálsdóttir sem Lilý.
Eggert Þorleifsson sem Sigurhans og Vigdís Hrefna Pálsdóttir sem Lilý.

Á morgun, laugardag, frumsýnir Þjóðleikhúsið Hænuungana, nýtt leikrit eftir Braga Ólafsson. Stefán Jónsson leikstýrir verkinu, en leikarar eru Eggert Þorleifsson, Kristbjörg Kjeld, Ragnheiður Steindórsdóttir, Pálmi Gestsson, Friðrik Friðriksson og Vigdís Hrefna Pálsdóttir.

Börkur Jónsson er höfundur leikmyndar, Ríkey Kristjánsdóttir hannar búninga, Halldór Örn Óskarsson gefur ljós og Tómas Freyr Hjaltason sér um hljóð.

Í leikritinu segir frá djassgeggjaranum Sigurhansi sem býr í fjölbýlishúsi í Hlíðunum með Olgu. Framundan er húsfundur í blokkinni sem Sigurhans hefur boðað til, enda varð hann fyrir því óláni að brotist var inn í geymsluna hjá honum og nokkrum kjúklingum stolið úr frystikistunni.

Sjá nánari umfjöllun um leikverkið í Morgunblaðinu í dag.