Hannar þunglynd leikföng

Þýskur leikfangasmiður hóf nýverið framleiðslu á leikfangadýrum með geðræn vandamál. Leikföngin eru til dæmis þunglynda skjaldbakan Dub, vatnsfælni krókódíllinn Croco, ímyndunarveiki snákurinn Sly og kindin Dolly sem er með persónuleikaröskun.

Leikföngin eru framleidd af hinum 36 ára gamla Martin Kittsteiner frá Hamborg í Þýskalandi. „Þetta byrjaði allt sem hálfgert grín milli mín og kærustunnar minnar,“ segir Martin en hann segir þau seinna hafa áttað sig á hversu góð hugmyndin væri.

„Börn og fullorðnir kunna að meta hversu berskjölduð leikföngin eru og finnst gefandi að reyna að hjálpa þeim. Ég held að sumu fullorðnu fólki finnist leikföngin virka sem meðferð við þeirra eigin vandamálum,“ segir Martin sem hefur fulla trú á hönnun sinni sem meðferðartæki.

• Blogga um frétt