Glenn Frey, gítarleikari bandarísku hljómsveitarinnar The Eagles, lést í dag. Frey var 67 ára gamall og lést eftir veikindum sem fylgdu í kjölfarið á gigt og lungnabólgu sem leikarinn þjáðist af.
Hljómsveitin er ein af vinsælustu hljómsveitum áttunda áratugarins og gaf meðal annars frá sér ofursmellinn Hotel California árið 1976. Frey samdi lagið ásamt söngvaranum Don Henley. Meðal annarra laga sem hann samdi voru Heartache Tonight og Lyin' Eyes.
Í tilkynningu frá hljómsveitinni segir að engin orð geti lýst sorg þeirra, ást og virðingu fyrir Frey og þess sem hann gaf frá sér til hljómsveitarinnar.