Leikkonan Meryl Streep svaraði leikkonunni Rose McGowan eftir að McGowan sakaði hana hálfpartinn um að þegja yfir ofbeldi kvikmyndaframleiðandans Harvey Weinstein. 

Streep sendi yfirlýsingu á Page Six þar sem hún lýsti því yfir að orð McGowan hefðu sært sig. Hún fer einnig aftur yfir það að hún hafi ekki vitað af ofbeldi Weinstein. „Ég vil láta hana vita að ég vissi ekki af brotum Weinstein, ekki á tíunda áratugnum þegar hann réðst á hana né á áratugunum þar á eftir þegar hann hélt áfram að ráðast á aðrar,“ sagði Streep. 

McGowan, sem var ein af þeim fyrstu til að stíga fram og lýsa ofbeldinu sem Weinstein beitti hana, gagnrýndi Streep á Twitter fyrir að ætla að taka þátt í þöglum mótmælum á Golden Globe-verðlaunahátíðinni í byrjun janúar á næsta ári þegar hún þagði í öll þessi ár. 

Streep sagði einnig að hún hefði sent McGowan símanúmerið sitt og biði nú eftir símtali. McGowan eyddi síðan tístinu um Streep af Twitter. 

Rose McGowan. mbl.is/AFP

Tengdar fréttir

Kynferðisbrot í Hollywood

Sakar Vin Diesel um kynferðisbrot á hóteli

• Höfðar mál gegn Weinstein og Disney
• Kanna ásakanir á hendur Russell Brand
• Ásakanir á hendur Brand veki upp spurningar
• Brand sakaður um kynferðisbrot

» Fleiri tengdar fréttir

• Blogga um frétt