Ánægð með hvernig Wahlberg brást við
Setja bókamerki
Leikarinn Mark Wahlberg ákvað að gefa Time's Up-hreyfingunni laun sín fyrir endurupptökur á All the Money in the World. Michelle Williams mótleikkona hans, sem fékk nánast ekkert borgað í samanburði við hann, er ánægð með ákvörðun leikarans.
Í síðustu viku bárust fregnir af því að Wahlberg hefði fengið eina og hálfa milljón dollara borgaða fyrir vinnuna en Williams innan við þúsund dollara. Mikil óánægja vaknaði með launamismuninn eftir að fréttirnar bárust.
Williams sendi frá sér tilkynningu eftir að Wahlberg hafði greint frá því að hann hefði gefið launin í nafni Williams. Í tilkynningunni þakkar hún leikkonum og aðgerðasinnum fyrir að standa með sér, þakkar þeim fyrir að kenna sér að nota rödd sína og þakkar valdamiklum mönnum við stjórn fyrir að hlusta og taka til aðgerða.
Hún minnist einnig leikarans Anthonys Rapps sem steig fram og sagði frá kynferðislegri áreitni sem hann varð fyrir 14 ára af hálfu Kevin Spaceys en í kjölfarið fylgdu fleiri sögur. Spacey lék upprunalega í myndinni All the Money in the World en eftir ásakanirnar var ákveðið að taka atriði hans upp aftur með leikaranum Christopher Plummer í staðinn.
Búið að fella björninn
Of margir nemendur og ákall um hæft starfsfólk
„Hví erum við dýrasta land í heimi?“
Björninn sagður nálægt byggð
Davíð Viðarsson var skyndihugdetta
Eina leiðin var að fella björninn