Óskarsverðlaunaleikarinn Casey Affleck er hættur við að mæta á Óskarsverðlaunahátíðina í mars næstkomandi.

Talið er að ákvörðun hans tengist #metoo-byltingunni. 

Affleck, sem var kjörinn besti aðalleikarinn á síðustu hátíð fyrir hlutverk sitt í Manchester By The Sea, átti samkvæmt venju að afhenda besta aðalleikaranum verðlaunin á næstu hátíð, að því er BBC greindi frá. 

Tvær konur sem störfuðu með honum árið 2010 höfðuðu mál gegn honum fyrir kynferðislega áreitni. Hann neitaði ásökununum en samkomulag var gert í málinu utan réttarsalar.

Amanda White og Magdalena Gorka sögðu að hann hafi áreitt þær við gerð myndarinnar I´m Still Here, sem Affleck leikstýrði.

White sagði að Affleck hafi neitað að borga henni laun vegna þess að hún vildi ekki eyða með honum nótt á hótelherbergi. Gorka sagði að Affleck hefði skriðið upp í rúm til hennar á meðan hún svaf.

Tengdar fréttir

MeT­oo - #Ég líka

Furða sig á ákvörðun í máli Weinsteins

• Ógildir dóm yfir Weinstein
• Ákvörðun um að víkja Jóhanni úr landsliði stendur
• Um 30% kvenkyns skurðlækna orðið fyrir kynferðisofbeldi
• Skiluðu skömminni á Sauðárkróki

» Fleiri tengdar fréttir

• Blogga um frétt