Brynjar Níelsson þingmaður Sjálfstæðisflokksins er nýkominn úr klippingu. Hann tísti um nýju klippinguna á Twitter og sagði rakarann hafa tekið öll völdin.
Rakarinn tók völdin og klippti mig snöggt og öðruvísi. Segi ekki að konurnar á þinginu hafi kiknað í hnjánum yfir nýja lúkkinu en hafa boðist til að keyra mig á BSÍ ef ég væri að fara í sveit
— Brynjar Níelsson (@BrynjarNielsson) June 12, 2018
Áslaug Arna Sigurbjörnsdóttir þingkona og ritari Sjálfstæðisflokksins birti mynd af klippingunni á Twitter ásamt kveðju. Brynjar er nýbyrjaður að nota Twitter en Áslaug Arna kynnti hann fyrir samfélagsmiðlinum. Óvíst er um hvort þingmaðurinn ætli í sveitina að þingstörfum loknum en loforð um nýjar gúmmítúttur gæti ýtt undir áhuga hans.
Hér er klippingin fyrir áhugasama. Beint í sveitina með þig, ég skal kaupa gúmmítúttur handa þér. pic.twitter.com/ssnIzJGOb7
— Áslaug Arna (@aslaugarna) June 12, 2018