Faðir hertogaynjunnar af Sussex, Thomas Markle, segir að Meghan hafi farið að gráta þegar hann greindi henni frá því að hann gæti ekki verið viðstaddur brúðkaup hennar og Harry prins, að því er fram kemur í morgunþætti ITV, Good Morning Britain.
Þar lýsti hann því einnig hversu erfitt það var fyrir hann að leiða hann ekki inn kirkjugólfið eins og til stóð. Ástæðan var hjartaaðgerð eftir alvarlegt hjartaáfall nokkru fyrir brúðkaupið.
Thomas Markle fylgdist með athöfninni í sjónvarpi í Bandaríkjunum þar sem hann var að jafna sig eftir skurðaðgerð. „Ég er neðanmálsgrein í stærsta atviki sögunnar í stað þess að vera faðir sem leiðir dóttur sína inn kirkjugólfið,“ sagði Markle í Good Morning Britain.