Sigurför kvikmyndarinnar Undir trénu heldur áfram. Hún vann til virtra verðlauna í Japan á dögunum. Á sömu hátíð fékk Svanurinn sérstök heiðursverðlaun dómnefndar. Þetta var á Skip City, einni þekktustu kvikmyndahátíð í Japan, sem haldin var um miðjan júlí, að því er segir í tilkynningu.
Hafsteinn Gunnar Sigurðsson, leikstjóri Undir trénu, var valinn besti leikstjórinn. Undir trénu hefur þar með unnið til fimm alþjóðlegra verðlauna til viðbótar við sjö Edduverðlaun.
Svanurinn, í leikstjórn Ásu Helgu Hjörleifsdóttur, fékk sérstök heiðursverðlaun dómnefndar (e. „special mention“).
Báðar myndirnar er enn verið að sýna í Bíó Paradís í sumar.