Leikstjórinn Luca Guadagnino frumsýndi hrollvekjuna Suspiria á kvikmyndahátíðinni í Feneyjum um helgina. Það var þó ekki bara stjörnum prýdd myndin sem vakti athygli á hátíðinni heldur einnig hægri hönd leikstjórans. Á nokkrum myndum virðist Guadagnino setja höndina á brjóst leikkonunnar Dakotu Johnson.
Breskir vefmiðlar hafa veitt óheppilegu atvikinu töluverða athygli. Daily Mail fjallar um það og slær miðillinn því upp að Johnson hafi litið út fyrir að líða óþægilega og verið hissa á afskiptum leikstjórans.
Samkvæmt The Sun segja þó sjónarvottar að leikstjórinn hafi verið að reyna að hylja bringu leikkonunnar fyrir ljósmyndurum.