Bræðurnir Harry og Vilhjálmur eru mættir ásamt eiginkonum sínum Meghan og Katrínu í brúðkaup frænku sinnar Eugenie prinsessu. Voru þau og aðrir fjölskyldumeðlimir meðal þeirra síðustu til að mæta.
Harry og Meghan þekkja kirkjuna í Windsor vel, sem Eugenie og Jack Brooksbank gifta sig í, þar sem þau giftu sig einnig í kirkjunni í maí.
Þegar Harry og Meghan giftu sig var að vísu að koma sumar en nú er komið haust í Englandi og bera bæði skreytingar þess merki og veðurfarið. Vindurinn stríddi til að mynda gestum og fengu þau Katrín og Vilhjálmur að finna fyrir því.