Fyrrverandi glamúrfyrirsætan Katie Price hefur verið ákærð fyrir að keyra bíl undir áhrifum áfengis. Samvkæmt frétt BBC þarf fyrirsætan fyrrverandi að mæta fyrir dóm 7. janúar. Atvikið átti sér stað í London fyrir tveimur mánuðum.
Daily Mail greinir frá því að Price hafi klesst bleikan Range Rover sem hún á. Var hún handtekin í október eftir fimm daga fyllerí sem endaði á því að hún klessti bleika jeppann. Fyrr um kvöldið mætti hún óbeðin í afmæli manns sem hún hefur verið sundur og saman með.
Árið 2018 hefur verið erfitt fyrir stjörnuna sem sleit aftur sambandi sínu við eiginmann sinn, Kieran Hayler, í sumar. Í febrúar fékk hún sex mánaða akstursbann og í haust hafa birst fréttir um gjaldþrot hennar.
View this post on InstagramA post shared by Katie Price (@officialkatieprice) on Dec 13, 2018 at 1:50pm PST