Landsliðsmanninum Birki Má Sævarssyni er greinilega annt um að eiginkona hans Stefanía Sigurðardóttir gleymi sér ekki. Stefanía birti mynd á Twitter af stórskemmtilegum og frumlegum sokkum sem hún segir eiginmann sinn hafa gefið sér.
Biður hún þá sem halda því fram að Birkir sé afar hógvær maður að hugsa sinn gang. Birti hún síðan mynd af sokkum sem hún segir Birki hafa gefið sér í gær, fimmtudag.
Sokkarnir eru appelsínugulir með myndum af knattspyrnukappanum og gætu mögulega breytt hugmyndum einhverja um hógværð landsliðsmannsins.
Þeir sem hafa tekið undir þá umræðu að @BirkirSaevars sé prúðmenni mikið og hógvær með eindæmum eru vinsamlegast beðnir um að ranka við sér! Hann færði eiginkonu sinni gjöf í dag! pic.twitter.com/hUOO9h8x3h
— Stebba Sigurðardótti (@StebbaSig) January 17, 2019