Samstarfsfólki leikarans Jussie Smollett finnst það svikið eftir að Smollet var ákærður fyrir að ljúga til um árás. Smollett fer með eitt af aðalhlutverkunum í þáttunum Empire. Hann á yfir höfði sér 3 ára fangelsisdóm ef hann verður dæmdur sekur.
Samkvæmt TMZ finnst meðleikurum hans í Empire hann hafa brotið traust þeirra og rýrt orðspor þáttanna. Þau vilja að hann verði skrifaður út úr þáttunum sem fyrst.
Smollett greindi frá því í lok janúar að hann hafi orðið fyrir árás vegna litarhafts síns og kynhneigðar en hann er svartur hommi. Efast var um frásögn hans, en hann á að hafa borgað tveimur nígerískum bræðrum fyrir að sviðsetja árásina.