Leikarinn Luke Perry, sem er þekktastur fyrir leik sinn í sjónvarpsþáttunum Beverly Hills 90210, er látinn.
Afþreyingarvefurinn tmz.com greinir frá þessu en Perry var 52 ára. Í Beverly Hills 90210 fór hann með hlutverk hjartaknúsarans Dylan McKay í tíu þáttaröðum. Hann var einnig þekktur fyrir leik sinn í þáttunum Riverdale.
Perry lést á St. Jósepsspítalanum í Burbank í morgun umkringdur fjölskyldu sinni. Stutt er síðan hann var fluttur á sjúkrahús eftir að hafa fengið alvarlegt slag.
Börnin hans tvö, unnusta hans, fyrrverandi eiginkona, foreldrar hans, systkini, önnur skyldmenni og vinir voru stödd hjá honum þegar hann lést, að sögn umboðsmanns leikarans, Arnold Robinson.
„Fjölskyldan þakkar fyrir hinn mikla stuðning og allar bænirnar undanfarna daga víðs vegar að úr heiminum. Hún óskar virðingarfyllst eftir næði til að fá að syrgja hann,“ bætti hann við í yfirlýsingu.
BREAKING: Luke Perry, '90210' and 'Riverdale' star, dies at 52 https://t.co/NyYA5iUXg3
— Variety (@Variety) March 4, 2019
Luke Perry's rep: "He was surrounded by his children Jack and Sophie, fiancé Wendy Madison Bauer, ex-wife Minnie Sharp, mother Ann Bennett, step-father Steve Bennett, brother Tom Perry, sister Amy Coder, and other close family and friends" https://t.co/rQ0FGNExCr
— Hollywood Reporter (@THR) March 4, 2019
BREAKING: TV icon Luke Perry has died after suffering a massive stroke. ET Live has the latest: https://t.co/NrKodRb7JF pic.twitter.com/RkYb5TVbX6
— Entertainment Tonight (@etnow) March 4, 2019