Kanye frumflutti nýtt lag í messu

Hingað til hafa sunnudagsmessur Kanye West verið einkasamkvæmi en í gær messaði hann yfir þúsundum tónleikagesta á Coachella-hátíðinni í samnefndum dal í Kaliforníu í Bandaríkjunum. Um er að ræða eins konar gjörning, þar sem hann flytur bæði eigin lög og annarra, með fulltingi fjölmargra listamanna, hljómsveitar og dansara.

 Síðustu sunnudaga hefur Kanye verið að halda sunnudagsmessur en þær hafa verið fyrir vini og fjölskyldu. Nú mætti hann á Coachella þar sem þúsundir fengu að fylgjast með. Stemningin minnti á bandaríska gospelkóra en vitaskuld með framsæknu handbragði West. Að hann skyldi koma þarna fram ku vera liður í því að hann sé að reyna að ávinna sér virðingu margra aðdáenda sinna til baka. Hann hefur ekki átt sjö dagana sæla.

Nýja lagið sem hann flutti hét Water og hluta af því er að finna í þessu myndbandi:

• Blogga um frétt