Leikkonan Zoë Kravitz gifti sig í laumi í vikunni, en hún og unnusti hennar Karl Glusman ætluðu að gifta sig í Frakklandi seinna í sumar.
Þau eru þó ekki búin að slá brúðkaupið í Frakklandi út af borðinu og verður stór athöfn haldin þar í landi. Talið er að þau hafi ákveðið að gifta sig fyrst í Bandaríkjunum til að hjónabandið sé gilt en samkvæmt frönskum lögum er gifting þar í landi ekki löggjörningur ef hvorugt brúðhjónanna er franskur ríkisborgari.
Kravitz og Glusman hafa verið í sambandi síðan 2016 og trúlofuðu sig árið 2017. Kravitz er dóttir tónlistarmannsins Lenny Kravitz og leikkonunnar Lisu Bonnet. Kravitz hefur leikið í fjölda kvikmynda og þátta og fer núna með hlutverk í þáttunum Big Little Lies. Glusman er einnig leikari en ferill hans er þó ekki jafn glæsilegur og eiginkonu hans.
View this post on InstagramA post shared by Zoë Kravitz (@zoeisabellakravitz) on Feb 25, 2019 at 5:07pm PST