Nú um helgina eru 50 ár síðan Woodstock-tónlistarhátíðin var haldin. Það vita það kannski ekki allir en tónlistarhátíðin var í raun ekki haldin í bænum Woodstock í New York-ríki í Bandaríkjunum, heldur tæpa 100 km í burtu frá honum.
Enn í dag ráfa þó ferðamenn um bæinn og spyrjast fyrir um tónlistarhátíðina, sem hefur skipað sér stóran sess í tónlistarsögunni.
Ferðamennirnir koma ekki alveg að tómum kofanum þegar þeir koma til Woodstock, en bærinn hefur verið griðastaður tónlistarmanna og listamanna í gegnum tíðina.