Stjörnurnar verja Harry og Meghan
Setja bókamerki
Hertogahjónin Harry og Meghan hafa verið í kastljósi fjölmiðla undfarna daga fyrir einkaþotuferðir sínar. Nú hafa stjörnur víða um heim stigið fram og reynt að verja hjónin og er þar Elton John fremstur í flokki en hann viðurkenndi að hafa borgað fyrir flug þeirra til Nice í Frakklandi í síðustu viku.
Tónlistarmaðurinn greindi frá því í færslu á Instagram að honum bæri skylda til þess að passa upp á Harry og fjölskyldu hans vegna Díönu prinsessu sem var ein besta vinkona hans. Hann og eiginmaður hans ákváðu að bjóða hjónunum og Archie litla í frí á heimili þeirra í Nice. Öryggis þeirra vegna flugu þau með einkaþotu sem Elton John borgaði fyrir en hann segist hafa kolefnisjafnað flugið.
Spjallþáttastjórnandinn Ellen DeGeneres ákvað einnig að segja sína skoðun á málinu á samfélagsmiðlum. Segjast hún og eiginkona hennar hafa hitt Harry og Meghan á Englandi og talað við þau um náttúruvernd. Lýsir hún hjónunum sem samúðarfullu jarðbundnu fólki. „Ímyndið ykkur að það sé ráðist á ykkur fyrir allt sem þið gerið þegar það eina sem þið eruð að reyna að gera er að gera heiminn betri,“ skrifaði DeGeneres um hjónin í lokin.
Söngkonan Pink segir í tísti sínu að hún sé ánægð með að fólk verji hertogahjónin. Hún segir að Meghan sé lögð í einelti. Hvetur hún fólk til þess að koma betur fram við hana.
/frimg/1/14/88/1148801.jpg)
Erlendir fjölmiðlar hafa verið duglegir að fjalla um ferðamáta hertogahjónanna allt frá því Harry talaði á loftslagsráðstefnu á vegum Google á Sikiley. Í byrjun ágúst eru hjónin talin hafa farið á einkaþotu til Ibiza í tæpa viku og í síðustu viku fóru þau á einkaþotu til Nice í Frakklandi í nokkra daga.
Væri að ljúga ef ég segðist ekki stressaður
Banna mengandi búnað sem leyfður er á Íslandi
Frambjóðendur skila inn listum í Hörpu
Krefjast stöðvunar framkvæmda
Bergnuminn í Hvalfirði
Breytingar á skipulagi fréttadeildar RÚV
Norskur lögreglumaður dæmdur