Stórstjarnan Jennifer Lawrence er sögð ætla að halda brúðkaupsveislu í næsta mánuði en hún og unnusti hennar, Cooke Maroney, trúlofuðu sig í febrúar. Nú virðist sem Lawrence og Maroney séu mögulega búin að gifta sig löglega. Þau sáust að minnsta kosti fyrir utan dómshús í New York á mánudaginn að því fram kemur á vef Page Six svo eitthvað eru þau að bauka.
Með þeim Lawrence og Maroney var þekktur ljósmyndari, vinur og tveir öryggisverðir. Var Lawrence meðal annars mynduð fyrir utan í gráum jakka, gallabuxum og með pappír í höndunum. Ljósmyndarinn sem var með í för heitir Mark Seliger og hefur meðal annars myndað fyrir tímarit á borð við Vanity Fair og GQ.