Tónlistarkonan og litla systir Beyoncé, Solange Knowles, greindi frá því um helgina að hún og eiginmaður hennar til fimm ára, Alan Ferguson, væru hætt saman. John Bogaard, umboðsmaður Solange hefur verið dreginn inn í málið.
Solange sem er 33 ára greindi frá því að hún hefði breyst mikið á síðustu tveimur árum. Hún kynntist eiginmanni sínum fyrir 11 árum en það var kominn tími fyrir breytingar og sagði hún að þau hefðu hætt saman fyrr á árinu.
Einhverjir vildu meina að Solange hefði haldið fram hjá með umboðsmanni sínum Ferguson eftir að mynd birtist af henni úti á götu með Ferguson. Þykir Solange þetta miður, sagði lygarnar á netinu leiðinlegar og birti um leið umrædda mynd í sögu sinni á Instgram.
Er þetta annar skilnaður Solange en hún giftist barnsföður sínum, Daniel Smith, þegar hún var 17 ára. Sama ár kom sonur þeirra í heiminn en hjónin skildu tveimur árum síðar.