Bostonbúinn Jose Ramos hefur komið til landsins á hverja einustu Airwaves-hátíð síðan hann kom hingað fyrst árið 2012. Erika Muel er að koma í fimmta sinn. Þau eru ánægð með að hátíðin er ekki lengur jafn stór og hún var orðin og segja nándina við tónlistarfólkið vera helsta aðdráttaraflið.
Í myndskeiðinu er rætt við þau á tónleikum Hildar á Slippbarnum í gær en þau eru greinilega orðin afar vel að sér í íslenskri tónlist. Hátíðin hófst í gær og stendur yfir fram á laugardag þegar Of Monsters and Men koma fram í Valsheimilinu.