Aðdáendur leikarans Keanu Reeves kalla núna hinn 21. maí árið 2021 Keanu-daginn. Ástæðan er sú að tvær væntanlegar framhaldsmyndir með honum, Matrix og John Wick, koma í bíó sama dag í Bandaríkjunum.
Svo virðist sem um tilviljun sé að ræða því kvikmyndaverið Warner Bros dreifir The Matrix 4 en keppinauturinn Lionsgate stendur á bak við John Wick: Chapter 4.
Mögulega eiga dagsetningarnar eftir að breytast en þangað til eiga aðdáendur leikarans vafalítið eftir að halda áfram að tala um Keanu-daginn.
„21. maí ætti að vera Keanu Reeves-frídagurinn,“ tísti Meagan Navarro.
With JOHN WICK: CHAPTER 4 and THE MATRIX 4 sharing a release date, motion to make May 21, 2020 a national Keanu Reeves holiday. pic.twitter.com/bTvaM32Weo
— Meagan Navarro (@HauntedMeg) December 11, 2019
„Við ættum að hafa 21. maí Keanu-daginn framvegis,“ bætti @WeWatchedAMovie við.
Both John Wick 4 and The Matrix 4 are due to come out on May 21st, 2021. We should just make May 21st Keanu day from here out. pic.twitter.com/p7nGwBopLF
— We Watched A Movie (@WeWatchedAMovie) December 11, 2019
Vinsældir kanadíska leikarans, sem er 55 ára, hafa aukist undanfarin ár og hefur verið talað um „Keanuaissance“ í því samhengi.
Tölvuleikjaspilarar dýrka hann vegna talsetningar hans í leikjum á borð við Cyberpunk 2077, auk þess sem menn hrífast af því hversu jarðbundinn hann er og virðist hafna hefðbundnum yfirborðskenndum Hollywood-lífsstíl.
Reeves vakti mikla athygli þegar hann mætti með konu upp á arminn á opinberan viðburð í Los Angeles á dögunum. Konan heitir Alexandra Grant og er listakona sem er nokkrum árum yngri en Hollywood-leikarinn.