Sérstakur Eurovison-þáttur í stað keppni
Setja bókamerki
Eurovision-söngvakeppninni hefur verið aflýst en það þýðir þó ekki að aðdáendur keppninnar muni ekki fá neitt fyrir sinn snúð. Stjórn keppninnar tilkynnti í dag að framleiddur yrði þáttur, Eurovision: Europe Shine A Light, sem fer í loftið hinn 16. maí næstkomandi.
Tilgangurinn með þættinum er að heiðra öll lögin, 41 að tölu, sem hefðu annars keppt í keppninni. Skemmtilegum uppákomum er lofað í þættinum en um hann sjá hollensku kynnarnir Chantal Janzen, Edsilia Rombley og Jan Smith.
Þátturinn mun einnig sameina alla þá keppendur sem áttu að keppa í keppninni ár en munu þeir þó dvelja heima hjá sér og ekki mæta í persónu í settið. Vel þekkt eurovisionandlit frá síðustu árum verða einnig gestir í þættinum og gömul og góð lög rifjuð upp.
Þátturinn fer í loftið klukkan 19 að íslenskum tíma og gert er ráð fyrir að hann verði tveggja klukkustunda langur. Nánari upplýsingar um gesti og dagskrá koma þegar nær dregur. Sjónvarpsstöðvar í Evrópu munu sýna þættina en þó er ekki búið að staðfesta hvaða stöðvar það verða. Þættinum verður hins vegar einnig streymt beint á youtubesíðu Eurovison.
Segja 20 liðsmenn Hisbollah látna
Búið að fella björninn
740 milljón króna sígarettusmygl
Quang Le: „Rottuskíturinn kom mér á óvart“
Davíð Viðarsson var skyndihugdetta
Rannsóknin skýrist með hverjum degi
Algeng laun 1,4 til 2,2 milljónir