Ertu alger bolur? Elskar þú hallærislega eða mjög töff stuttermaboli? Þá gæti síðan www.gottstuff.is verið eitthvað fyrir þig. Um er að ræða netverslun sem Sverrir Þór Sverrisson eða Sveppi krull kom á fót á dögunum.
„Velkomin(n) á síðuna Gottstuff.is. Ég hef alltaf verið mikill áhugamaður um boli, á sjálfur mikið af þeim og get varla gengið framhjá búð sem selur boli án þess að tékka á henni. Reglulega koma upp í hugann alls kyns hugmyndir að bolum sem mig hefur langar að gera. Sló því til og dró tvo félaga mína með mér í lið og hér er útkoman. Svo er stefnan að bæta við bolum hægt og bítandi, svo endilega fylgist með!
Því öll erum við bolur inn við beinið,“ segir Sveppi á síðunni gottstuff.is.
Bolirnir eru með skýrum skilaboðum og ættu allir bolir landsins að geta fundið sér bol við sitt hæfi.