Sambandi Ivönku Trump og Melaniu Trump er lýst sem stirðu í nýrri ævisögu um Melaniu Trump sem ber heitið The Art of Her Deal. Ivanka Trump á að hafa kallað hana reglulega „portrettið“ þar sem Melania hafði alltaf svo lítið að segja. Þá á Melania að hafa kallað Ivönku prinsessu sem vísun í forréttindastöðu hennar.
Höfundur bókarinnar er Mary Jordan sem unnið hefur til Pulitzer-verðlauna. Búast má við að meira úr bókinni eigi eftir að vekja athygli en bókin kemur út í næstu viku. Við gerð bókarinnar tók Jordan yfir 100 viðtöl við ýmsa aðila. Talskona forsetafrúarinnar hefur lýst bókinni sem skáldskap.