Richie enn að melta sambandsslitin

Sofia Ritchie er enn að melta sambandsslitin.
Sofia Ritchie er enn að melta sambandsslitin. Tommaso Boddi

Fyrirsætan Sofia Richie er enn að melta sambandsslitin við kærasta sinn Scott Disick. Richie og Disick hættu saman í maí síðastliðnum en þau höfðu verið saman síðan haustið 2017. 

„Þetta var alvarlegt samband, ekki bara eitthvert skot, og hún var til staðar fyrir Scott í gegnum erfiða tíma. Það særir hana að sjá allar pælingarnar um Scott og Kourtney, en hún er svo ung og fær svo mikið af athygli. Hún mun jafna sig,“ sagði heimildarmaður People um málið. 

Sögusagnir hafa verið á kreiki um að Disick sé byrjaður aftur með fyrrverandi kærustu sinni, Kourtney Kardashian, en saman eiga þau þrjú börn. Kardashian og Disick hættu saman árið 2015 en hann eyðir alla jafna miklum tíma með fjölskyldu Kardashian. 

Richie og Disick hættu saman í kringum sama tíma og Disick fór í meðferð. Þegar mynd af honum í meðferðinni var lekið í fjölmiðla fór hann í fússi úr meðferðinni. 

mbl.is

Stjörnuspá »

Hrútur

Sign icon Þú ert upp á þitt besta og hefur jákvæð áhrif á umhverfi þitt með léttleika þínum. Nýttu þér andlegt og líkamlegt atgervi þitt til hins ítrasta því allt annað eru svik við sjálfan þig.

Stjörnuspá »

Hrútur

Sign icon Þú ert upp á þitt besta og hefur jákvæð áhrif á umhverfi þitt með léttleika þínum. Nýttu þér andlegt og líkamlegt atgervi þitt til hins ítrasta því allt annað eru svik við sjálfan þig.