Kvikmyndahúsið Bíó Paradís fagnar 10 ára afmlæli í dag og í tilefni þess mun húsið opna dyrnar aftur fyrir gestum á föstudaginn næstkomandi, þann 18. september.
Fjöldi kvikmynda verður í boði fyrir gesti en kvikmyndahúsið mun hýsa Skjaldborg - hátíð íslenskra heimildarmynda sem haldin verður í fyrsta skipti í Reykjavík. Tvisvar þurfti að aflýsa hátíðinni á Patreksfirði í sumar vegna kórónuveirunnar.
Almenn dagskrá Bíó Paradísar fer einnig af stað og alls verða frumsýndar fjórar kvikmyndir, The Specials, About Endlessness, Seberg og Zeija - Truth Makes Free.
Nánar um dagskrá Skjaldborgarinnar á vef Bíó Paradísar.