Fjölskylda Kidman og Urban stækkar

Leikkonan Nicole Kidman bauð nýjan fjórfætling velkominn í fjölskylduna og birti mynd af honum á Instgram. Kidman og tónlistarmaðurinn Keith Urban voru að taka að sér krúttlegan kött sem heitir Louis. 

Í færslu Kidman á Instagram kemur fram að kötturinn hafi verið heimilislaus áður en hún og Urban tóku hann að sér. Kötturinn komst heldur betur í lukkupottinn og bíður hans líklega notalegt líf þar sem ekkert skortir. 

Louis er langt því frá fyrsta dýrið á heimili Kidman, Urban og dætra þeirra sem eru 12 og níu ára. Fyrir áttu þau kettina Ginger og Snow og hundinn Jules. Nýi kisinn er mjög sætur og nýtur Kidman þess að kela við hann eins og sést hér að neðan. 

• Blogga um frétt