Skemmtileg umræða spratt upp á Twitter í gær þar sem fólk deildi því sem því finnst vera íslenskt en er það í raun ekki.
Kristjana Ásbjörnsdóttir velti upp þessari spurningu og sagði að sjálfri fyndist sér Mackintosh-sælgæti á jólunum, heitir pottar og gítarpartí vera íslensk fyrirbæri.
Fjölmargir minntust á íslensk dægur- og jólalög.
„Þó líði ár og öld. Fékk áfall þegar ég heyrði það. Og líka öll jólalög,“ sagði einn við færslu Kristjönu.
Þá var einnig minnst á Svala, crossfit, fellihýsi og sykurmola.
Prins-Póló, vorboðinn lóan og grænar baunir frá Ora voru sömuleiðis vinsæl svör, auk örtraðar í Costco og grjónagrautar.
Hvað er ekki íslenskt en ykkur finnst það samt vera íslenskt?
— Kristjana Ásbjörnsdóttir MPH&PhD (@kristjanahronn) November 13, 2020