Marinn og blár af ástæðu

Tónlistarmaðurinn The Weeknd vakti mikla athygli á American Music-verðlaunahátíðinni í gærkvöldi þar sem hann var blár og marinn með miklar umbúðir um höfuðið. Þetta var ekki í fyrsta skipti sem Weeknd hefur birst marinn og blár heldur hefur hann verið þannig útlítandi á öllum opinberum viðburðum á árinu. 

Áverkarnir eru ekki raunverulegir heldur um förðun að ræða. 

Weeknd hefur skartað þessum umbúðum til að vekja athygli á ölvunarakstri og hvaða afleiðingar hann getur haft. Eitt af hans vinsælustu lögum, Blinding Lights, fjallar á ákveðinn hátt um ölvunarakstur. 

Það fjallar um „þegar þig langar til að hitta einhvern að nóttu til og ert undir áhrifum og götuljósin blinda þig“, sagði Weeknd um lagið.

The Weeknd. AFP

• Blogga um frétt