Rapparinn og framleiðandinn Dr Dre var lagður inn á spítala eftir að hafa fengið slagæðargúlp í heila á mánudag.
Hinn 55 ára rappari var lagður inn á Cedars-Sinai-spítalann í Los Angeles. Lögmaður hans sagði við Billboard að hann væri að hvíla sig á spítalanum eftir slagæðargúlpinn og líðan hans væri stöðug.
Dr Dre sjálfur birti færslu á Instagram síðla kvölds á þriðjudag þar sem hann þakkaði fyrir batakveðjur og sagði líðan sína góða. „Ég er góður og heilbrigðisstarfsmennirnir hugsa vel um mig. Ég kemst heim af spítalanum fljótlega,“ skrifaði rapparinn í færslu sinni.